रेडियो सञ्चालकहरुका लागि जानकारी : ‘अर्थ सरोकार रेडियो कार्यक्रम तपाईंको रेडियोमा बजाउने प्रक्रिया के छ ? के गर्नुपर्छ ?

‘अर्थ सरोकार रेडियो कार्यक्रम तपाईंको रेडियोमा बजाउने प्रक्रिया के छ ?

अर्थ सरोकार रेडियो कार्यक्रम तपाईंको रेडियोमा बजाउन निकै सजिलो प्रक्रिया छ । यसका लागि तपाईंले तपाईंको रेडियोमा आर्थिक कार्यक्रम सुनिने सम्भावित समय पहिचान गर्नुहोस् । कार्यक्रम २५ देखि २७ मिनेटसम्मको हुने हुनाले आधा घन्टाको ‘स्लट’ छुट्याउनुहोस् । कार्यक्रम हरेक शनिबार राती तपाईंको मेलमा आउने हुनाले सोहि अनुसार स्रोताको माग र रेडियोको सहजतालाई मिलाएर कार्यक्रम समय छुट्याउन सक्नुहुनेछ । त्यसपछि तपाईंले सुरज प्याकुरेललाई ९८५१०१७९१४ मा सम्पर्क गर्नुहोस् । उहाँलाई आफ्नो रेडियोको नाम, कार्यक्रम बजाउने बार र समय, र आफ्नो इमेल आइडी टिपाउनुहोस् । त्यसपछि शनिबार रातीदेखि तपाईंको इमेल ठेगानामा रेडियो कार्यक्रम अर्थ सरोकार आइपुग्छ ।

अर्थ सरोकार रेडियो कार्यक्रमको प्रायोजक को हो ?
रेडियो कार्यक्रम अर्थ सरोकारको प्रायोजक कोहि पनि होइन, छैन । हालका लागि हामी विशुद्ध गैर-व्यावसायिक कार्यक्रम हौँ । व्यावसायिक भएको दिन हामी हाम्रो कार्यक्रम प्रशारण गर्ने सबै रेडियोलाई ‘न्याय’ हुने गरी अगाडी बढ्नेछौँ । हालका लागि यो कार्यक्रममा कुनै पनि विज्ञापन वा बिज्ञापनमूलक सामाग्री बज्दैनन् । तर हामी टिक्न रेडियो टिक्नुपर्छ । र रेडियो टिक्न हामीले सोच्नुपर्छ भन्ने कुरालाई हामीले मनन गरेका छौं ।
अहिलेसम्म कार्यक्रमको रेस्पोन्स कस्तो छ ?
युवा वर्गको भाषा सापट लिएर भन्नु पर्दा हाम्रो कार्यक्रमको रेस्पोन्स सार्है राम्रो छ । छोटो समयमा नै स्रोताहरुले हाम्रो कार्यक्रम रुचाइदिनुभएको छ । धेरै स्रोताले कार्यक्रम सुनेर प्रतिक्रियासमेत दिनुभएको छ । काठमाडौँमा काम गर्ने हामीले रेडियो कार्यक्रमको अवधारणा ल्याउँदा धेरैले ‘कसले सुन्छ र रेडियो ?’ भनेका थिए । तर यो भ्रम रहेछ भन्ने तथ्य प्रमाणित भएको छ । काठमाडौँको खाल्डो छोडेर मोफसलमा जाने हो भने रेडियो उत्कृष्ट माध्यम हो भन्ने कुरा प्रमाणित भएको छ । काठमाडौँमा पनि विशेषगरी गाडीमा सवार हुँदा सुन्ने नै रेडियो रहेछ । धेरै ठाउँबाट  हामीले पाएको रेस्पोन्स निकै राम्रो छ ।
अर्थ सरोकार रेडियो कार्यक्रम बजाउनुको फाइदा के हो ?
हामी कन्टेन्टमा बलियो छौँ । हुक गरिएका कार्यक्रम र गीत मात्र सुन्न पाएका स्रोताका लागि हामी नयाँ स्वाद हौँ । आर्थिक क्षेत्रमा अब्बल कार्यक्रम भएकाले पनि हाम्रा स्रोताको बर्ग ठूलो छ । त्यसमाथि रेडियो डट अर्थ सरोकार डटकममार्फत संसारभरका स्रोताले विभिन्न रेडियोहरु सुन्ने गर्नु भएको छ । हाम्रो काय्रक्रम बजाउने रेडियोको अनलाइन स्ट्रिम हामी हाम्रो अनलाइनमा बजाउँछौँ । भविश्यका सम्भावित व्यवसायीक साझेदारीका सम्भावना त छँदै छन् ।

प्रतिक्रिया दिनुहोस्

अर्थ सरोकार रेडियो कार्यक्रमबारे

अर्थ सरोकार रेडियो कार्यक्रम नेपालको नम्बर १ आर्थिक रेडियो कार्यक्रम हो । देशका सातै प्रदेशका ७७ वटै जिल्लाहरुमा ११५ बढी रेडियोहरुबाट प्रशारण भइरहेको यो कार्यक्रम अर्थ सरोकार डटकमको काठमाडौँस्थित स्टुडियोमा उत्पादन हुन्छ । कार्यक्रमबारे कुनै टिका टिप्पणी भए, हामीले प्रशारण गरिदिए हुन्थ्यो भन्ने कुनै सामाग्री भए, तपाईंको रेडियोमा हाम्रो कार्यक्रम बजाउनु परे, वा हाम्रो अनलाइनमा तपाईंको रेडियो बजाउनु परे सिधै ९८५१०१७९१४मा सुरज प्याकुरेललाई सम्पर्क गर्न सक्नुहुनेछ । अर्थ सरोकार रेडियो कार्यक्रमको साप्ताहिक तालिका हेर्न यहाँ क्लिक गर्नुहोस् । सत्य बोल्दै, तथ्य सुनाउँदै रेडियोसँगै जन-मनमा गुञ्जिरहन पाउँदा हामी खुसी छौँ ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal