हेर्ने र पढ्ने समाचार कन्टेन्टसँगै सुन्ने सामाग्रीसमेत पस्कने उद्देश्यका साथ नेपालको अग्रणी आर्थिक डिजिटल पत्रिका अर्थ सरोकार डटकमको अडियो सेवाका रुपमा हामीले रेडियो अर्थ सरोकार तपाईं समक्ष ल्याएका छौँ । रेडियो अर्थ सरोकार नेपालको पहिलो र एकमात्र आर्थिक अनलाइन रेडियो हो । यसमा हामी २४सै घण्टा विभिन्न आर्थिक कार्यक्रमहरु, वित्तीय सचेतनासम्बन्धि सूचनाहरु, आर्थिक जानकारीहरु प्रस्तुत गर्छौँ । हाल यसको कार्यालय कोटेश्वर-३२, काठमाडौँमा छ ।

 २. रेडियो अर्थ सरोकार कहाँबाट सुन्न सकिन्छ ?

अनलाइन रेडियो सेवा भएकोले हामीलाई इन्टरनेटमार्फत सुन्न सकिन्छ । अर्थ सरोकार डटकमको होम पेज, रेडियो डट अर्थ सरोकार डटकम वा रेडियो अर्थ सरोकार पेजबाट यो रेडियो सुन्न सकिन्छ । साथै हाम्रो पात्रो, नेपाली पात्रो, संचार मोबाइल एप, अर्थ सरोकारको मोबाइल एप, ट्युन इन, स्ट्रीमा, अनलाइन रेडियो बक्स लगायत रेडियो सुन्ने सबैजसो प्लेटफर्ममा रेडियो अर्थ सरोकार सुन्न सकिन्छ ।

रेडियो अर्थ सरोकार आर्थिक अनलाइन रेडियो भएकाले यो रेडियोमा आर्थिक कन्टेन्टहरु बढी बज्छ । दैनिक आर्थिक समाचार बुलेटिन, सेयर बजार सम्बन्धि विशेष कार्यक्रम, बैंकिङ, बीमा लगायतका क्षेत्रहरुलाई समेटिएका विशेष कार्यक्रम यो रेडियोका विशेष आकर्षण हुन् । सातै दिन, २४सै घण्टा हामी तपाईंलाई निरन्तर आर्थिक कन्टेन्टहरु प्रस्तुत गरिरहेका छौँ । विस्तृत कार्यक्रम सेडुल यसप्रकार छ :

हाल रेडियो अर्थ सरोकारलाई अर्थ सरोकारकर्मी सुदर्शन श्रेष्ठले नेतृत्व गरिरहेका छन् । मोफसलमा रेडियो पत्रकारितामा लामो अनुभव संगालेका श्रेष्ठ हाल रेडियो अर्थ सरोकारका स्टेसन मेनेजरका रुपमा कार्यरत छन् । श्रेष्ठको नेतृत्वमा अर्थ सरोकार टिमले रेडियो अर्थ सरोकारका लागि कार्यक्रम निर्माण तथा प्रस्तुत गर्ने गर्दछ ।

रेडियो अर्थ सरोकारको प्राविधिक पक्ष अईटेक नेपालले हेरिरहेको छ । आइटेक नेपाल रेडियो स्ट्रिमिङका लागि नेपालमा मात्र होइन, विश्वमै चर्चित कम्पनीहरुमध्येको एक हो । रेडियोको परिकल्पनाकार पनि आईटेक नेपालकै अध्यक्ष जीवन न्यौपाने हुनुहुन्छ । २०८० साल साउन १ बाट नियमित प्रशारणमा आएको यस रेडियो अर्थ सरोकारमा चर्चित मिडियाकर्मी रुपेश श्रेष्ठ, बलराम श्रेष्ठ, सुमन ढुंगाना, सुशील खतिवडा, प्रकृति भाट, मुना तामाङ, लगायतले पनि स्वर दिनुभएको छ । रेडियो अर्थ सरोकार उहाँहरुको योगदानको सदैब सम्मान गर्दछ ।