आदरणीय स्रोता, 
सुन भन्नेबित्तिकै हामी बहमूल्य धातु सम्झन्छौं । सुन जहिले पायो त्यहिले किन्ने चिज होइन, र किन्न सकिने चिज पनि होइन । त्यसैले पनि सुन किन्दा केहि कुराहरु ध्यान दिन जरुरी भएको जानकारहरु बताउँछन् । यसो त बजारमा सुन व्यापारीहरुले ठग्ने गरेको, बेच्दा मूल्य पूरै लिने तर त्यहि सुन आफुले किन्दा व्यापारीहरुले ठग्ने गुनासो पनि धेरैको छ । सुन व्यापारीहरुले आफ्नो व्यापार ज्यालाकै भरमा कसरी धानेका होलान्, कमाउने नै सुनमा गडबड गरेर हो भन्ने आरोप पनि सुनचाँदी व्यवसायीहरुलाई लाग्ने गरेको छ । आखिर सत्य के हो त ? हामीले आजको अंकमा नेपाल राष्ट्रिय सुनचाँदी व्यवसायी मंचका अध्यक्ष गणेश प्रसाद लकान्द्रीसँग कुराकानी गरेका छौँ । अवको क्रममा अर्थ सरोकारकर्मी रेखा चन्दले उहाँसँग गर्नुभएको कुराकानी प्रस्तुत गर्दैछौँ ।

गत साता हामीले हाम्रो कार्यक्रममा बैंकको जागिरको विषयमा डेभलपमेन्ट बैंकर्स एसोसीएसनका महासचिव मनोज ज्ञवालीसँग कुराकानी गरेका थियौँ । आजको अंकमा पनि हामीले केहि फरक प्रसङ्गमा उहाँसँग कुराकानी गर्दैछौँ । विशेषगरी पछिल्लो समय नक्कली धितो राखेर कर्जा लिने क्रम विभिन्न बैंकहरुमा बढीरहेको छ । बजारमा यस्तो काममा सक्रिय एउटा गिरोह नै छ भन्दा पनि फरक पर्दैन । यसमा बैंकहरु सचेत छन् त ? हामीले उनै मनोज ज्ञवालीसँग कुराकानी गरेका छौँ।

नेपाल बैंकर्स संघले केहि समय अगाडी एनआईसी एशिया संग कारोबार नै नगर्ने भन्दै सम्बन्ध विक्षेद गर्यो । बैंकले जनतालाई बढी ब्याज दिएका कारण अन्य बैंकहरुलाई अफ्टयारो परेको भन्दै बैंकर्स संघले उक्त बैंकमाथि प्रतिबन्ध नै लगायो । कही दिन पछि बैंक र संघबीच कुरा त मिल्यो तर त्यस समयपछि संघलाई बैंकको नियामक नै बन्न खोजेको आरोप पनि लाग्यो । पछिल्लो समय केहि थप कुराहरुलाई लिएर पनि संघमाथि यो आरोप लागिरहेको छ । आखिर बैंकर संघलाई लागेको यो आरोप संघले कसरी लिन्छ त ? हामीले बैंकर्स संघका अध्यक्ष ज्ञानेन्द्र प्रसाद ढुंगानासँग कुराकानी गरेका छौं ।

यसो त नेपाल बैंकर्स संघलाई नियामक बनेको मात्र होइन, झुटको खेती गरेको आरोपसमेत लागेको छ । नेपाल सरकारले सुरु गरेको खोलौँ खाता अभियानलाई लिएर वाणिज्य बैंकमा मात्र उक्त अभियान भएजसरी प्रचार प्रसार गरेको भन्दै संघसँग डेभलोपमेन्ट बैंकर्स एसोसीएसन रुष्ट भएको छ । यससम्बन्धि अर्थ सरोकारले तयार गरेको विशेष सामाग्री अवको क्रममा ।                

• प्रशारण समय : बिहिबार बेलुकी ५:१५ देखि ५:४५ बजेसम्म
• प्रशारण पहुँच : कपिलबस्तु तथाआसपासका जिल्लाहरु

• प्रशारण समय : मंगलबार साँझ ६:३० बजे
• प्रशारण पहुँच : रुकुम तथा आसपासका जिल्लाहरु

• प्रशारण समय : आइतबार राती ८ :३०  बजेदेखि ९  बजेसम्म 
• प्रशारण पहुँच : कास्की तथा आसपासका जिल्लाहरुमा 

• प्रशारण समय : आइतबार राती ८ :३०  बजेदेखि ९  बजेसम्म 
• प्रशारण पहुँच : मोरंग तथा आसपासका जिल्लाहरुमा 

• प्रशारण समय : आइतबार राती ९ बजेदेखि ९:३० बजेसम्म 
• प्रशारण पहुँच : पर्वत तथा आसपासका जिल्लाहरुमा 

• प्रशारण समय : आइतबार विहान ९ बजे देखि ९:३० बजेसम्म 
• आइतबार राती ९:३० बजेसम्म