स्रोताहरुका लागि कार्यक्रम परिचय : ‘अर्थ सरोकार रेडियो कार्यक्रम’ के हो ? यो कार्यक्रम कसले, कहाँ उत्पादन गर्छ ?



कार्यक्रम परिचय : ‘अर्थ सरोकार रेडियो कार्यक्रम’ के हो ?

आज देशले सञ्चारमा ठुलै क्रान्ति गरेको छ । तर सबैखाले सञ्चारमाध्यमहरुले सबैखाले जनतालाई समेट्न सकेका छैनन् । अनलाइनका आफ्नै पाठक छन् । रेडियोका स्रोता र टेलिभिजनका खास दर्शक पनि छुट्टै छन् । अझ काठमाडौँको खाल्डोलाई छोडेर मोफसल नियाल्ने हो भने रेडियो सबैभन्दा चलेको सञ्चारमाध्यम हो । आज पनि मोफसलमा रेडियोहरु उत्कृष्ट सञ्चार माध्यमका रुपमा स्थापित छन् । रेडियो सुन्ने स्रोताको बर्ग विशेषगरी मोफसलमा ठुलो छ । र हामी ‘अर्थ सरोकार’ पनि देशभरका ५१ बढी रेडियोहरुबाट गुन्जीरहेका छौँ । छोटोमा भन्दा हामी देशकै सर्वाधिक सुनिने आर्थिक रेडियो कार्यक्रम हौँ ।
अर्थ सरोकार रेडियो कार्यक्रम देशका विभिन्न चर्चित रेडियोहरुमा प्रशारण हुन्छ । भूगोलअनुसार हामीले चलेका रेडियोहरु छानेका छौँ । अर्थ सरोकार रेडियो कार्यक्रमले राजधानीबासीदेखि दुर्गम जाजरकोटका नागरिकहरुसम्म आफ्ना सामाग्रीहरु प्रस्तुत गरिरहेको छ । प्रशारण आरम्भको छोटो समयमा नै हामी देशका अधिकांस भूगोलमा प्रशारण पहुँच राख्ने एकमात्र आर्थिक रेडियो कार्यक्रम बन्न सफल भएका छौं । अर्थ सरोकार रेडियो कार्यक्रमको तालिका हेर्न यहाँ क्लिक गर्नुहोस् ।
अर्थ सरोकार रेडियो कार्यक्रम उत्पादक को हो ?
अर्थ सरोकार रेडियो कार्यक्रम अर्थ सरोकार डटकमले काठमाडौँमा उत्पादन गर्छ । यो कार्यक्रम हरेक साताको शनिबार उत्पादन हुन्छ । हाम्रा सहकर्मी रेडियोहरुकहाँ यो कार्यक्रम शनिबार राती इ-मेलमार्फत पुग्छ । इ-मेलबाट डाउनलोड गरेर रेडियोहरुले तोकिएको समयमा यो कार्यक्रम प्रशारण गर्छन् । यो कार्यक्रम साप्ताहीक कार्यक्रम भएकाले एउटा रेडियोमा हप्ताको एक दिन यो कार्यक्रम प्रशारण हुन्छ । केहि रेडियोहरुले रिपिटसमेत बजाउने गर्नुभएको छ । सम्बन्धित क्षेत्रमा स्रोताको अनुरोधमा उहाँहरुले हाम्रो कार्यक्रम दोहोर्याएर बजाउने गरेको प्रतिक्रिया दिने गर्नुभएको छ । प्रशारण आरम्भको छोटो समयमा नै हामीले पाएको यो अगाध मायाकाप्रति हामी सदैव ऋणी छौं ।
अर्थ सरोकार रेडियो कार्यक्रम उत्पादनमा को को आवद्ध छन् ?
अर्थ सरोकार रेडियो कार्यक्रम पत्रकार सुरज प्याकुरेलले संयोजन गर्छन् । यो कार्यक्रमको प्राविधिक पक्ष अर्थ सरोकारकर्मी रेखा चन्दले हेर्छिन् भने कार्यक्रमको अनलाइन संयोजन राधिका श्रेष्ठले गर्छिन् । स्रोताका प्रतिक्रिया समेट्ने काम पनि यहि समूहले गर्छ । कार्यक्रम समयमा प्रशारण भए-नभएको ‘मोनिटरिङ’को काम आइटेक नेपालले अर्थ सरोकारलाई उपलब्ध गराएको सफ्टवेरबाट हुन्छ। सातै प्रदेशमा रहनुभएका हाम्रा सहकर्मी रेडियोका सञ्चालक र स्टेसन मेनेजरहरु निरन्तर हाम्रो सम्पर्कमा हुनुहुन्छ । उहाँहरुको सल्लाह-सुझाव र प्रतिक्रियाका आधारमा हामी अझै हाम्रो कार्यक्रमलाई परिस्कृत बनाइरहेका छौं ।  

प्रतिक्रिया दिनुहोस्

अर्थ सरोकार रेडियो कार्यक्रमबारे

अर्थ सरोकार रेडियो कार्यक्रम नेपालको नम्बर १ आर्थिक रेडियो कार्यक्रम हो । देशका सातै प्रदेशका ७७ वटै जिल्लाहरुमा ११५ बढी रेडियोहरुबाट प्रशारण भइरहेको यो कार्यक्रम अर्थ सरोकार डटकमको काठमाडौँस्थित स्टुडियोमा उत्पादन हुन्छ । कार्यक्रमबारे कुनै टिका टिप्पणी भए, हामीले प्रशारण गरिदिए हुन्थ्यो भन्ने कुनै सामाग्री भए, तपाईंको रेडियोमा हाम्रो कार्यक्रम बजाउनु परे, वा हाम्रो अनलाइनमा तपाईंको रेडियो बजाउनु परे सिधै ९८५१००६६४८ मा सुरज प्याकुरेललाई सम्पर्क गर्न सक्नुहुनेछ । अर्थ सरोकार रेडियो कार्यक्रमको साप्ताहिक तालिका हेर्न यहाँ क्लिक गर्नुहोस् । सत्य बोल्दै, तथ्य सुनाउँदै रेडियोसँगै जन-मनमा गुञ्जिरहन पाउँदा हामी खुसी छौँ ।

© Shubham Media Pvt. Ltd. All Rights Reserved 2024.

Artha Sarokar® Trademark Registered. Regd. No. : 047796

Maintained By : Eservices Nepal